Bastarður Víkinga!

Konungsríkið fyrir brauðsneið

vb — Tue, 06 Jan 2009 20:04:16 +0000

10 sneiðar af osti
1 bréf af rioja hráskinku
1 1/2 tómatur

Brytjaðu tómatana niður í skál.
Sneiddu skinkuna oní líka.
Ogsvo ostinn.
Skola niður með jólablandi.

FIN

Slitrótt samband (samvinnuhreyfinga)

vb — Mon, 05 Jan 2009 15:30:00 +0000

Um daginn sendi vinur minn mér [ tengil ] á heimildaþætti Viðars Víkingssonar um SÍS. Ég er of ungur til að hafa lifað með SÍS, en batterýið fór á hausinn um það leiti sem ég var að byrja í skóla. Verandi það heimilda- og fræðsluþáttajönký sem ég er, þá tók ég þeim fagnandi og horfði á alla þættina þrjá í einum rykk eitt kvöldið á milli jóla og nýárs.

Sjitt hvað það var margt sem small í stað í hausnum á mér. Ísland meikaði alltíeinu aðeins meira sense.

Ég varð líka þónokkuð skotinn í samvinnufélagspælingunni. Leitt hvernig það lenti í liðræðinu¹ og kreddukomplexum (eins og allt annað alltafhreint). SÍS ogsvoframvegis hefur augljóslega spilað gríðarstóra rullu í sögu þjóðarinnar og það er stórmerkilegt að það komi nær aldrei upp í umræðunni. Hafa sigursælir verslunarmenn tekið söguna Hólmsteinstaki eða eru kaupfélagsmenn bara svona sárir?

FIN

Þegar eitthvað fokking Lið ræður.

Af hommum og hamingju og pólitískri velgengni

vb — Mon, 05 Jan 2009 01:01:14 +0000

Ég hef verið óvenju spenntur fyrir myndinni hans Gus Van Sants um frumhommann Harvey Milk. Stikluna má skoða [ hér ]. Ég spennist sjaldan fyrir ævisögum, hvað þá með Sean Penn í aðalhlutverki. Sean Penn fer svo oft í pirrurnar á mér, þó reyndar aðallega sem hann sjálfur, frekar en sem leikari.

Myndin er víst aðallega reist uppúr heimildarmynd frá 1984 sem heitir Times of Harvey Milk. Heimildarmynd sem ég er ekki búnað sjá, en er að halast inná áglápsvélina mína.

En myndina er líka hægt að sjá í [ jútjúb-gæðum ].

FIN

Þú sérð mig, ég sé ÞIG; eða, er nútíminn ekki fabjúlus?

vb — Sat, 03 Jan 2009 20:41:05 +0000

Gestateljarinn minn skrásetur allskonar upplýsingar: Hvaða stýrikerfi þú¹ ert með á tölvunni, hvaða vafra þú notar, hvar þú ert staddur, hver IP talan þín er og hvert vélanafnið þitt er.

Ég t.d. rak augun í að einn af þöglu fastagestum síðunnar hefur sett upp lén á heimanetinu sínu, svo ég fletti upp skráningunni á léninu, fékk nafnið, gúglaði nafninu og fann bloggið hans og fésbókina — myndir af djamminu og útlandaferðunum, samskipti við vinina, hvað hann át í fyrradag.

Ég elsk’etta, en fékk pínu hroll.

FIN

Já, ÞÚ!

Sögufokkerí: Frjálslyndi flokkurinn

vb — Sat, 03 Jan 2009 06:56:05 +0000

Sverrir: Fokk hvað ég hata Davíð Oddsson.
Sjálfstæðisflokkurinn: HEY! EKKI DISSA MÖMMU MÍNA!
Sverrir: Vatt? Ég var í þessum flokki þegar hann var í bleyju. Barðist fyrir fokking zetunni, óldskúl íhald inn að beini.
Sjálfstæðisflokkurinn: LALALALA EKKI AÐ HLUSTA!
Sverrir: Iss. Stofna bara eigin flokk. Kalla hann fokk-Davíð-flokkinn.
Einhver: Hvað um að kalla hann Frjálslynda flokkinn?
Sverrir: Já, eða það.

* Seinna *

Guðjón: Fokk hvað ég þoli ekki kvótann.
Sverrir: Davíð Oddsson elskar kvótann. Ekki ég. Vertu memm.
Guðjón: Jámar!
Sverrir: Þetter dóttir mín.
Margrét: Hæ.

* Seinna *

Sverrir: Hurðu, ég er orðinn alltof gamall fyrir þetta. Magga tekur við.
Guðjón: Ha?
Margrét: Jöss!

* Seinna *

Magnús: Fokk hvað ég hata útlendinga.
Guðjón: Hey, vert þú líka memm.
Margrét: Ertaðfokkímér?
Guðjón: Fokka þú þér.
Margrét: Jæja, sjáum til hvað flokkssystkinin segja um það!
Frjálslyndi flokkurinn: FOKKAÐU ÞÉR!
Margrét: Ó.

* Seinna *

Frjálslyndi flokkurinn: Ég er ekki rasisti! Ég er ekki rasisti! Fokking útlendingar!
Allir aðrir: VÍST ERIÐI RASISTAR!
Frjálslyndi flokkurinn: Jáókei, en það var óvart.

FIN

Bastarður Vantrúarseggja, 1. erindi

vb — Fri, 02 Jan 2009 07:58:50 +0000

Bróðir minn spurði mig einu sinni hvort ég tryði á gvuð. Ég svaraði eins og er: Nei.

— Af hverju?

— Afþví ég hef enga ástæðu til þess.

En eftir smá umhugsun, þá bætti ég við: En ég hef samt svo gaman af sögum.

FIN

Hjásvæfuskipti

vb — Thu, 01 Jan 2009 08:01:01 +0000

Það er góðkunn klisja að það taki helming líftíma sambands að komast yfir lok þeirra. Það passar — ég er yfirleitt farinn að kalla nýtt ár réttu nafni um sumarleytið.

FIN

Niður með liðræðið

vb — Wed, 31 Dec 2008 15:50:57 +0000

Minna lið, meiri lýð! Minna gamalt og meira nýtt. Ú á átta, inn með níu.

Upp með lýðræðið!

FIN

Myllan á Barði

vb — Mon, 29 Dec 2008 02:25:00 +0000

Ég var að renna í gegnum bókaskápinn minn í leit að einhverju lesefni þegar ég rak augun í eina af mínum uppáhaldsbókum, Myllan á Barði; eða undarlegir atburðir sem urðu hér um árið í Otravatnshéraði. Ég les bækur yfirleitt ekki nema einu sinni, einstaka sinnum tvisvar, en þessa bók las ég árlega í nokkur ár. Ég fattaði allt í einu að ég vissi ekkert um þessa bók, hvaðan hún kæmi eða annað¹. Hún er eftir litháíska höfundinn² Kazys Boruta og kom út hjá Máli og Menningu 1976 í þýðingu Jörundar Hilmarssonar.

Bókin fjallar um hlédrægan miðaldra myllara sem verður ástfanginn af helstu daðurdrós sveitarinnar og semur við púka (sem er óttalegur lúser og telur að díllinn geti hjálpað sér með statusinn í stéttarfélaginu) um ástina: Hilarity ensues.

Ég finn ekki sérlega mikið á skiljanlegu tungumáli um þessa bók eða höfundinn, t.d. er greinin um hann á wikipedíu bara stubbur. Eg sé þó að hann skrifaði nokkrar fleiri bækur, en sé ekki að nokkur þeirra hafi verið þýdd á ensku.

Kannast einhver annar við þessa bók eða höfundinn? Veit einhver hvort fleiri bækur eftir hann hafi t.d. verið þýddar?

FIN

Annað en austantjaldseitthvaðeitthvað
Og samkvæmt gúgli: Pólitíkusinn.

Ogsvo krota svo

vb — Sun, 28 Dec 2008 13:19:14 +0000

Ég er ekki viss hvort ég hafi nokkurntíman minnst á flickr síðuna mína hér.

http://www.flickr.com/photos/bastardur/

Ég var að henda inn stóru öppdeiti. Fyrsta í soldinn tíma.

FIN